Fracción da porosidade total que, en condicións de campo, está ocupada por aire cando o contido de humidade é o que corresponde ao ocluído despois dunha drenaxe interna libre (capacidade de campo) e, neste caso, corresponde á porosidade drenable. Non é así se existe unha capa freática alta ou unha capa freática colgada. Este índice, utilizado para caracterizar o estado de aireación do solo, resulta moi impreciso de determinar ao depender de diversos factores: textura, estrutura, compactidade, existencia dunha cotra superficial, entre outros. Resulta fácil establecer un limiar por debaixo do cal a aireación do solo resulte un factor limitante para a respiración das raíces.