Categorización das formas de desenvolvemento das plantas proposta polo ecólogo e botánico danés Christen Raunkiaer, que se basea nas adaptacións das plantas á supervivencia durante a estación desfavorable. Foi ampliada posteriormente por outros autores.

De acordo coa natureza e a posición en relación ao solo dos órganos que aseguran a supervivencia da planta (xemas de crecemento vexetativo) durante temporadas con condicións adversas (estacións frías e estacións secas) establece as categorías seguintes: 1) fanerófitas; 2) caméfitas; 3) hemicriptófitas; 4) criptófitas (xeófitas, helófitas e hidrófitas); 5) terófitas ou anuais.