Índice ecofisiolóxico que se expresa como qCO₂ e que se define como a relación entre a respiración (CO₂ respirado, expresado en mg g^-1 h^-1) e a biomasa microbiana (C_mic):
qCO₂ = CO₂ / C_mic

Estima a proporción de carbono liberado por unidade de biomasa microbiana.

É un dos indicadores biolóxicos utilizados para avaliar os efectos das perturbacións ambientais (p. ex. cambio no uso do solo) sobre os ecosistemas. Valores superiores reflicten maior eficiencia microbiana no uso enerxético e o seu valor diminúe coa madurez do ecosistema. Así e todo, a súa validez foi cuestionada por algúns autores xa que non responde de maneira predicible e non diminúe necesariamente durante a sucesión.

Existen factores edáficos que poden alterar o valor deste índice, e diversos estudos demostraron que está correlacionado negativamente co valor de pH, o contido de arxila e a limitación de nutrientes.