Masa de auga que perde unha masa de solo cando se seca a 105°C ata masa constante (ou a menos de 50°C se o solo contén xeso), referida á masa da fase sólida. Exprésase como w = Mw/Ms. Esta forma de determinala utilízase como método estándar ao que se refiren os métodos indirectos de medida do contido de auga do solo. En solos minerais o seu valor pode estar entre un 5 e un 40 % mentres que en solos orgánicos pode ser moi superior ao 100 %.