Técnica analítica que se pode realizar: (1) de forma directa en testemuñas de solo nos que se mide a perda de masa de auga mediante o secado en estufa (método gravimétrico); ou (2) de forma indirecta mediante a calibración de datos obtidos con outros métodos, p. ex., métodos que utilizan radiación nuclear (atenuación de neutróns ou absorción de raios γ), ou que se basean en propiedades eléctricas (condutividade eléctrica e capacitancia ou capacidade eléctrica). O método gravimétrico é o de referencia e emprégase para calibrar os métodos indirectos, que adoitan ser non destrutivos e permiten medidas rápidas que poden ser automatizadas, rexistradas in situ e transmitidas a distancia.