Liña imaxinaria que delimita unha cunca de drenaxe, espazo natural drenado por un curso de auga e os seus afluentes. Establécese como unha liña de dorsais, e comprende toda a superficie augas arriba dende o punto de chegada de todas as augas (exutorio), polo que delimita a cunca de drenaxe topográfica. Cómpre sinalar que, en moitos casos, a conca topográfica non coincide coa propia conca hidrográfica, que ten en conta os límites subterráneos do sistema e delimita a cunca de drenaxe propiamente dita. Esta diferenza é especialmente importante nas rexións kársticas e naquelas nas que houbo intervencións humanas que modificaron a superficie drenada.