Proceso de eliminación da auga do solo (retida ou almacenada) pola base do solo por un fluxo vertical descendente. A eliminación do exceso de auga dos solos de zonas húmidas evita que se creen condicións ácuicas e teñan lugar procesos de redución e anoxia radicular. O volume de auga drenada pódese expresar como D = (P – ES) – ET -ΔA, onde P é a precipitación, ES é o escoamento superficial, ET é a evapotranspiración e ΔA é o almacenamento de auga no solo en caso de que non haxa un fluxo lateral hipodérmico.