Proceso de eliminación da auga do solo a través dun fluxo que permite a saída da auga retida ou almacenada nel, calquera que sexa a forma na que teña lugar. Pódese distinguir: 1) drenaxe natural; 2) drenaxe artificial ou agrícola; 3) drenaxe interna ou percolación profunda, que é a que ten lugar por fluxo vertical descendente; e 4) drenaxe externa, que ten lugar lateralmente pola superficie do solo (máis propiamente denominada escoamento superficial) e a pouca profundidade por circulación hipodérmica, principalmente en solos en ladeira. Por conseguinte, ao utilizar o termo drenaxe, pódese estar facendo referencia a procesos diversos. En calquera caso, o termo drenaxe non é sinónimo de percolación nin de condutividade hidráulica.