Contido de Ca²⁺ e Mg²⁺ dunha auga expresado como carbonato de calcio (CaCO₃) equivalente medido en mg L⁻¹. Calcúlase por medio da expresión: CaCO₃ equivalente = (100/40) Ca²⁺ + (100/24) Mg²⁺. Distínguese entre dureza temporal, debida á presenza de ións carbonato e hidroxenocarbonato; e dureza permanente, debida á presencia de ións sulfato e cloruro. Exprésase en graos de dureza, que poden ser franceses, americanos, alemáns e ingleses, e que se distinguen polo contido que consideran como unidade. O criterio de dureza da auga en graos franceses establece que 1 °fH = 10 mg CaCO₃ equivalente por litro de auga.