Ecuación empírica da infiltrabilidade da auga no solo. Exprésase como: i = i_c + s/2t^1/2, onde i é a infiltrabilidade, o volume de auga que entra no solo por unidade de superficie e unidade de tempo; i_c e s son constantes características e t é o tempo. Esta ecuación implica que a infiltrabilidade é infinita ao principio, decrece posteriormente e, ao cabo dun tempo suficientemente grande, é igual a i_c, cun fluxo de infiltración estacionario asintótico. Pódese integrar para calcular a infiltración acumulada, I, e só require avaliar experimentalmente dúas constantes.