Elemento químico que pode ser extraido do solo mediante disolucións extractantes de diferente composición e forza iónica que non afectan aos elementos que forman a estrutura dos minerais ou aos que están fortemente retidos no solo. Considéranse extraíbles as especies do elemento solubles en auga, as adsorbidas no complexo de intercambio, algunhas das que forman complexos coa materia orgánica e as que son adsorbidas sobre oxihidróxidos de ferro, aluminio e manganeso.