Proba que se realiza para para determinar o grao de plasticidade dunha mostra de solo. En campo, moldéase material de solo engadindo auga ata un contido específico de humidade (punto de adherencia), prémese e mestúrase, para logo formar tres cilindros: un de 4 cm × 6 mm, outro de 4 cm × 4 mm e outro de 4 cm × 2 mm. Obsérvase o comportamento de cada cilindro ao tomalo entre os dedos polgar e índice e suspendelo por un extremo.

Establecéronse catro clases: 1) non plástico (non se pode formar o cilindro); 2) lixeiramente plástico (o cilindro de 4 cm × 6 mm soporta o seu propio peso ao suspendelo, o de 4 cm × 4 mm rompe baixo o seu propio peso); 3) plástico (o cilindro de 4 cm × 4 mm soporta o seu propio peso ao suspendelo, o de 4 cm × 2 mm rompe e requírese unha presión moderada para deformalo); e (4) moi plástico (o cilindro de 4 cm × 2 mm non rompe ao suspendelo e hai que realizar bastante presión para deformalo).