Resistencia da estrutura do solo fronte á acción de axentes externos, en especial da auga, xa sexa por impacto directo das gotas de choiva, por humectación repentina ou por esforzo mecánico. Vén determinada polos compoñentes do solo (mineraloxía das arxilas), as características fisicoquímicas do complexo de cambio (o sodio intercambiable aféctaa negativamente), a composición da fase líquida do solo, a actividade biolóxica e as prácticas de cultivo. Condiciona o comportamento físico do solo, como o movemento da auga, a penetración das raíces e o hábitat físico, entre outros aspectos. Existe un gran número de métodos para avaliar esta estabilidade.