Estado dun corpo cuxo comportamento mecánico se caracteriza por deformarse permanente e irreversiblemente cando se somete a esforzos por riba do límite de elasticidade (esforzo do límite elástico, σ₀). A deformación irreversible dá lugar ao derramamento do corpo. Neste caso, a velocidade de deformación exprésase como o produto do sobreesforzo necesario para superar a cohesión do corpo e iniciar o derramamento e un coeficiente de plasticidade, β, que, de acordo coa lei de Bingham, se escribe como: dε/dt = 1/β[σ – σ₀].

O coeficiente de plasticidade do solo depende do contido de arxila e a súa mineraloxía, así como da humidade. En este estado presenta unha cohesión notable, pero unha pasta de solo pódese amasar e moldear, deformándose de forma continua e permanente, se ben retén a súa forma cando se deixa de amasar.