Disciplina que se ocupa do estudo da organización de estruturas tridimensionais en estudos microscópicos. Utilízase no estudo en 3D do espazo de poros do solo: arquitectura, conectividade e a súa relación con imaxes 2D resultantes da sección de volumes de solo. Permite extraer información cuantitativa sobre un volume de solo tridimensional a partir de medidas realizadas en seccións 2D do material.