A escala macroscópica, tipo de estrutura granular composta, caracterizada por agregados de formas granulares claramente redondeadas, que presentan un conxunto complexo de caras curvas predominantes e caras planas de superficies irregulares; cunha alta porosidade, tanto entre os agregados coma no seu interior; de tamaño comprendido entre 1 mm e 1 cm. Na súa formación desempeñan un papel importante os cementos organominerais, que teñen a súa orixe na actividade biolóxica intensa (miñocas, raíces, etc.).