Segundo a clasificación de Raunkiaer, formas vexetais vivaces, xeralmente leñosas (por exemplo, árbores, arbustos e lianas), nas que as xemas de substitución, durante as épocas desfavorables, atópanse por riba dos 20-50 cm da superficie do solo.

En función do seu tamaño distínguense varios tipos:

megafanerófitos, cun crecemento máximo de máis de 30 m de altura; mesofanerófitos, cun crecemento de 8 a 30 m; microfanerófitos, cun crecemento de 2 a 8 m; nanofanerófitos, cun crecemento inferior aos 2 m, pero maior de 25 cm.