Conxunto de organismos tanto animais como protistas (protozoos) que desenvolven todo ou parte do seu ciclo de vida no solo. Inclúe grupos taxonómicos moi diversos: platihelmintos, nematodos, rotíferos, tardígrados, anélidos, moluscos, artrópodos e vertebrados.

Clasifícase en función: 1) do tamaño corporal (diámetro): microfauna, mesofauna, macrofauna e megafauna; 2) da distribución vertical, por exemplo, epixeos e hipoxeos; 3) do comportamento trófico (bacterívoros, micófago, detritívoros, etc.); 4) do papel ecolóxico (fragmentadores, enxeñeiros do ecosistema, etc.); 5) outras: bioxeografía, actividade encimática no seu sistema dixestivo, estratexia reprodutiva.