Sal ou éter do ácido fítico. Biomolécula de nome mio-inositol hexafosfato, producida pola proteína IP5 2-quinasa.

Preséntase como un depósito natural de fosfato que se acumula nalgunhas partes das plantas (sementes e tubérculos, entre outras). Forma complexos insolubles con calcio, zinc, ferro e outros nutrientes, o que dificulta a súa absorción por aqueles animais que carecen da encima fitase e chega ao solo coas dexeccións (esterco), e restos das plantas. Ao non poder ser hidrolizado polas fosfatases extracelulares do solo, acumúlase e constitúe a principal reserva de fósforo total no solo en forma de fósforo orgánico.