A escala macroscópica, descritor estrutural dos agregados dun horizonte do solo atendendo ao estado de separación que presente o material do solo en unidades discretas (agregados) e ao grao en que a periferia desas unidades estea rodeada total ou parcialmente por ocos. Deriva do grao de estruturación do solo. Stoops establece tres graos: altamente separados (unidades completamente separadas por un oco); moderadamente separadas (unidades rodeadas polo menos en dous terzos da súa periferia por ocos planares); e debilmente separadas (unidades parcialmente rodeadas por ocos planares nun terzo a dous terzos da súa periferia).