Subfilo incluído no filo Artropoda. No seu corpo diferéncianse tres rexións (tagmas): cabeza provista dun par de antenas, ollos compostos, nalgúns casos un número variable de ocelos; tórax con tres pares de patas e xeralmente un ou dous pares de ás; e abdome segmentado pero sen apéndices.

Ocupan tódolos nichos ecolóxicos incluíndo o solo, ben en estado adulto ou larval. Dos distintos grupos de hexápodos, algunhas ordes son importantes no funcionamento do solo: colémbolos, isópteros (térmites), coleópteros, dermápteros (forcadelas), dípteros e himenópteros (formigas).