A importancia dos EPSs reside en que: 1) participan na unión de partículas orgánicas e inorgánicas do solo, co que contribúen á formación de microagregados ao formar xeles relativamente estables; 2) na rizosfera poden facilitar a unión de bacterias fixadoras de nitróxeno ás raíces das plantas; 3) interveñen na formación de biopelículas; 4) favorecen a concentración de nutrientes e ións metálicos na inmediación das células; 5) poden afectar ao comportamento hidrolóxico das codias biolóxicas; 6) facilitan a nucleación e a biomineralización, por exemplo, de carbonatos e silicatos.