Indicador que permite avaliar o risco de amazocado da superficie dun solo, con formación de selo e cotra superficial. En Francia, Remy e Marin-Laflèche propuxeron dúas expresións para o cálculo deste índice. Para solos cuxo pH é superior a 7: Ib = [1,5·LF + 0,75·LG)/(a +10·MO)] – 0,2·(pH – 7), onde LF é a porcentaxe de limo fino (2-20 μm); LG é a porcentaxe de limo groso (20-50 μm); a é a porcentaxe de arxila e MO é a porcentaxe de materia orgánica. Para solos cuxo pH é inferior a 7: Ib = [1,5·LF + 0,75·LG)/(a +10·MO)]. Atendendo á sensibilidade ao amazocado, o horizonte superficial considérase: 1) moi amazocable se o índice é superior a 2; amazocable se está entre 1,8 e 2; 2) bastante amazocable se está entre 1,6 e 1,8; 3) pouco amazocable se está entre 1,4 e 1,6; e 4) non amazocable se é inferior a 1,4.