Limiar que separa o estado do solo no que atinxe ao seu contido de humidade, entre o estado plástico e o estado semisólido. O límite plástico defínese como o contido mínimo de humidade co cal unha pequena mostra de solo pode ser deformada sen romper. En estado plástico a deformación do solo non ten lugar de forma espontánea e só se produce baixo a acción dunha tensión. Aumenta considerablemente co contido de arxila e de materia orgánica. Determínase seguindo un método estandarizado.