Instrumento utilizado para medir a presión nun fluído. Consiste nun tubo en U, unha de cuxas ramas está conectada ao recipiente cuxa presión se quere medir, mentres que a outra está aberta e, polo tanto, a presión atmosférica. O líquido manométrico é mercurio que, por ter unha densidade igual a 13,6 g cm^-3, permite medir presións altas sen requirir tubos excesivamente altos. A carga de presión pódese calcular da seguinte maneira: h = Z₀ – (ρ_Hg – ρ_w) × Z_Hg = Z₀ – 12,6 × Z_Hg, sendo Z₀ a lonxitude inicial da columna de mercurio por encima do nivel de referencia, e Z_Hg, a variación de altura na columna manométrica tras o equilibrio hidrostático. Entre outras aplicacións, utilízase en medidas tensiométricas da auga do solo.