Fracción do solo constituída por tódolos materiais orgánicos de orixe biolóxica acumulados no solo ou na súa superficie, con independencia da súa orixe, vivos ou mortos e do seu grao de transformación.

Pódense clasificar en dúas categorías: 1) materia orgánica viva: raíces e organismos (fauna e microorganismos); 2) materia orgánica morta, que inclúe a materia orgánica fresca e os produtos en distintos estados de transformación, que inclúen as substancias non húmicas e as substancias húmicas.

Nos solos minerais, a MOS representa entre un 1 % e un 10 %, mentres que nos solos orgánicos os contidos de MOS superan o 20-30 %).