Fracción da materia orgánica do solo (MOS) moi transformada, de estrutura complexa, maioritariamente particulada ou coloidal, de coloración máis ou menos escura, con unións estables cos minerais da arxila e os óxidos de ferro e aluminio, o que fai que sexa moi estable fronte á degradación microbiana.

Trátase do humus en sentido amplo, integrado por substancias non húmicas e por substancias húmicas.

Estas substancias orixínanse mediante: 1) a alteración estrutural progresiva dos constituíntes macromoleculares recalcitrantes da materia orgánica fresca, o que da lugar a substancias non húmicas; 2) a neoformación por síntese microbiana; 3) a alteración dos constituíntes lábiles por procesos de condensación abióticos ou encimáticos, o que da lugar a substancias húmicas ou humus en sentido estrito.