Meteorización que provoca a desintegración de rochas e minerais debido á capacidade complexante de determinados compostos orgánicos (ácidos orgánicos e ácidos húmicos con grupos carboxílicos e fenólicos) que poden extraer ións da superficie de materiais sólidos pouco solubles. O proceso favorece a degradación da rocha ou do mineral e libera nutrientes que son aproveitados polos primeiros colonizadores como, por exemplo, os liques.