Procedemento indirecto para determinar o contido de auga no solo. Desenvolvéronse diversos métodos que utilizan a tecnoloxía GPR (Ground Penetrating Radar) baseados en: a velocidade da onda no solo, a velocidade da onda reflectida, a velocidade da onda transmitida desde a perforación e o coeficiente de reflexión da superficie. Nesta técnica rexístrase o tempo de viaxe dunha onda electromagnética cando a onda viaxa entre o transmisor e o receptor. O tempo de viaxe está relacionado coa permitividade dieléctrica do solo e, en consecuencia, co contido de auga do solo. É máis rápido que o reflectómetro de dominio de tempo (TDR) e permite medidas en amplas superficies.