Método para avaliar o grao de repelencia á auga dunha mostra de solo. Consiste en medir o tempo requirido pola mostra para embeber a auga vertida sobre ela. Cun contagotas vértense tres gotas de auga desmineralizada sobre unha superficie lisa da mostra e mídese o tempo transcorrido ata que as gotas son absorbidas.

Bisdom, Dekker e Schoute (1993) estableceron sete clases de repelencia á auga: 1) clase 0 solo hidrófilo, WDPT < 5 segundos; 2) clase 1 solo lixeiramente repelente á auga, WDPT 5-60 segundos; 3) clase 2 solo fortemente repelente á auga, WDPT 60-600 segundos; 4) clase 3 solo severamente repelente á auga, WDPT 600-3600 segundos; 5) solo extremadamente repelente á auga, WDPT > 3600 segundos, subdividido en clase 4 require de 1 a 3 horas; clase 5, require de 3 a 6 horas; e clase 6, require máis de 6 horas.