Microorganismo procariota (xeralmente do Dominio Archaea) que reduce o dióxido de carbono a metano en condicións anaerobias. Estas condicións corresponden a potenciais de oxidorredución de -200 a -400 mV, comúns en medios anóxicos, tales como marismas e solos anegados .

Os estercos de gando bovino e o xurro porcino e de galináceas poden ser empregados coa axuda de microorganismos metanóxenos para obter biogás, que se utiliza como combustible doméstico en determinados países (p. ex., na India).