Espazo concreto moi pequeno na matriz do solo ou dentro dun hábitat, con características e condicións únicas de humidade, temperatura, luz solar, compoñentes minerais, materia orgánica, valor do pH, condicións redox, dispoñibilidade de nutrientes, cuberta vexetal, entre outras, respecto ao medio circundante. Equivale a un microhábitat e contribúe a incrementar a heteroxeneidade dos ecosistemas.

Por exemplo, un agregado do solo pode conter un espazo anaerobio (micrositio), mentres a súa superficie permanece aerobia, polo que os procesos fisicoquímicos e biolóxicos serán totalmente distintos en ambos micrositios, a pesar de estar separados tan solo uns milímetros.