Modelo empírico de carácter exponencial para simular a infiltración da auga no solo por medio da descrición matemática do proceso. A velocidade de infiltración media (taxa de infiltración) exprésase como: im = I(t)/t = αγt(α-1), onde I(t) é a infiltración acumulada ao longo dun tempo t; mentres que os parámetros empíricos de axuste α e γ non teñen significación física, son constantes que se deben determinar a partir de datos experimentais de campo da infiltración acumulada, dependen do tipo de solo e varían ao longo do tempo.
Desta ecuación infírese que para t = 0, im → ω e para t → ω, im → 0, polo que se propuxo a ecuación de Kostiakov-Lewis ou Kostiakov modificada, para reflectir a tendencia da infiltración a estabilizarse cara a un valor constante i0 ao final do ensaio, que toma a forma: im = I(t)/t = αγt(α-1) + i0.