Cantidade efectiva de xeso ou do seu equivalente noutras substancias, necesaria para levar a porcentaxe de sodio intercambiable (PSI) a un valor determinado, co obxectivo de mellorar as propiedades físicas e o comportamento do solo e de diminuír a toxicidade por sodio nos cultivos. A emenda de xeso tamén se pode empregar en solos arxilosos para facilitar a floculación das arxilas, co fin de mellorar as propiedades físicas do solo para os cultivos, facilitar o enraizamento e diminuír o encharcamento.