Fracción da auga de rega calculada que ten que drenar debaixo da zona radicular da parte superior do solo por debaixo dun nivel dado que resulte aceptable para o cultivo a implantar. Pódese calcuar en función do valor da condutividade eléctrica, do contido de cloruros ou de sodio, (Cl⁻, Na⁺) ou á relación de adsorción de sodio (SAR, do inglés ‘sodium adsorption ratio’); elíxese o que sexa máis condicionante. Depende de múltiples factores: do cultivo, da tolerancia segundo o estadio de crecemento, da calidade da auga de rega, das características das choivas, do manexo da auga e do sistema de rega, das características de drenaxe do solo, e da disolución e precipitación dos sales pouco solubles. No suposto máis sinxelo de que non haxa procesos de disolución nin de precipitación, nin extracción de sales polos cultivos, nin efectos debidos á capa freática, o balance de sales (SB, do inglés ‘salt balance ’), SB = (EC_iw · D_iw − (EC_dw · D_dw, e en condicións de estado estacionario SB = O. Neste caso as necesidades de lavado (LR) calcúlanse coa expresión: LR = D_dw / D_iw = EC_iw/EC_dw onde LR son os requirimentos de lavado (adimensional), D é a cantidade de auga (m³), EC é a condutividade eléctrica (dS m⁻¹ a 25 °C), _dw se refire á auga de drenaxe e _iw á auga de rega. Se SB > 0 ten lugar a salinización. Polo xeral a fracción de lavado (LF) resulta maior que as necesidades de lavado (LR), excepto en regas deficitarias.