Organismo artrópodo que pertence á Clase Arachnida. Moitas veces confúndense coas arañas.

Pertencen á macrofauna do solo. Poden chegar a medir até 16 cm. O corpo divídese en dous tagmas: prosoma, onde se insiren os ollos e glándulas repugnatorias na parte anterodorsal, un par de quelíceros, un par de pedipalpos e catro pares de patas locomotoras; e opistosoma, de forma ovoide e formado por doce metámeros.

Son de hábito nocturno. Prefiren hábitats húmidos, sombríos e frescos e pódense atopar na follada, musgos, baixo as rochas, sobre vexetación, etc.

Teñen un amplo espectro alimentario, polo xeral son omnívoros. Aliméntanse de pequenos artrópodos, outros invertebrados, plantas e fungos, e algunhas especies son preeiras e aliméntanse de feces de aves e roedores.

Poden ser bos bioindicadores, xa que son moi sensibles aos cambios nas condicións ambientais, como a humidade e a temperatura.