Organismo que non pode vivir ou desenvolverse en presenza de osíxeno molecular e emprega procesos de fermentación ou respiración anaerobia para obter enerxía. É o caso dalgunhas bacterias: Desulfovibrio desulfuricans, capaz de utilizar SO₄^2- como receptor de electróns; ou Methanobacterium, que intervén na formación de metano metanoxénese en medios fortemente redutores, solos anegados durante longos períodos, terreos de esteiros e solos pantanosos.

Algunhas bacterias anaerobias estritas, en presenza de osíxeno molecular, forman endosporas que poden vivir en condicións extremas para elas.