Organismos que pertencen á Clase Pauropoda (paurópodos) incluída no subfilo dos miriápodos (Myriapoda) e do filo artrópodos (Arthropoda).

O corpo é pequeno (0,5-2 mm), brando (cutícula sen calcificar) e sen pigmentación. Divídese en: cabeza, que é pequena e subtriangular cun par de antenas ramificadas, as pezas bucais e sen ollos, son cegos e lucífugos; e tronco, que presenta 11-12 segmentos e 8-11 pares de patas.

Aliméntanse principalmente de materia orgánica en descomposición (saprófagos) e algúns de fungos ou de semilíquidos, e rara vez de musgo ou liques (herbívoros). Habitan en solos moi húmidos.

Non escavan, polo que para desprazarse aproveitan os poros do solo e das raíces, polo que non producen cambios físicos no solo.