Encima extracelular que cataliza a hidrólise dos enlaces glicídicos das pectinas, proceso que se denomina pectinolise.

As pectinases son producidas por bacterias (como Bacillus sp.), lévedos e fungos filamentosos. Pódense clasificar atendendo a varios criterios, entre eles, o seu modo de acción: 1) pectina metil esterase (EC 3.1.1.11), que elimina os residuos de metiloxilo da pectina; 2) poligalacturonases (endo-, EC 3.2.1.15 e exo-, EC 3.2.1.67), que separan os enlaces glicosídicos entre moléculas de ácido galacturónico; 3) pectinas transeliminases (EC 4.2.2.10), que escinden os enlaces α(1 → 4), formando así derivados insaturados do ácido galacturónico. A pectinase comercial máis estudada e empregada é a poligalacturonase.