A escala microscópica, característica do material dun horizonte do solo que se identifica por estar dividido en unidades cuxa periferia pode estar rodeada en maior o menor grao por trazos que sinalan unha superficie de debilidade (ocos, revestimentos de arxila, presenza de superficies de esvaramento), non sendo visible un oco grande. Stoops establece tres graos de pedialidade: fortemente desenvolvida (unidades enteiramente rodeadas por trazos que indican superficies de debilidade); moderadamente desenvolvida (unidades rodeadas en polo menos dous terzos da súa periferia por trazos que indican superficies de debilidade); e debilmente desenvolvida (unidades parcialmente rodeadas por trazos que indican superficies de debilidade, dun terzo a dous terzos). Por conseguinte, non se corresponde co grao de estrutura observable no campo en mostras de man, que se basea no grao de separación dos agregados e a existencia de zonas de debilidade entre eles, debido á cohesión dentro dos agregados así como á adhesión entre agregados.