Constante física introducida para caracterizar o comportamento dieléctrico dun material e describir de que maneira un campo eléctrico afecta e é afectado por un medio. Vén determinada pola tendencia do material a polarizarse ante a aplicación dun campo eléctrico e deste modo anular parcialmente o campo eléctrico interno do material. A permitividade, ε, do baleiro e do aire é 1 F m^-1 (F = Faradio); e a permitividade absoluta do baleiro é 8,854 × 10^-12 F m^-1. Calcúlase multiplicando a permitividade relativa, ε_r, dun material pola permitividade do baleiro (ε₀) e exprésase como: ε_ab = ε_r × ε₀ = (1 + χ_e) × ε₀, sendo χ_e a susceptibilidade eléctrica do material.