Compoñente do potencial total da auga do solo que expresa a influencia da matriz sólida en solos non saturados de auga. As forzas matriciais dependen: (a) da estrutura do solo, en especial da porosidade asociada a ela (fenómenos de capilaridade segundo o tamaño de poros); e (b) da natureza dos constituíntes sólidos (fenómenos de adsorción de moléculas de auga na superficie das partículas). Dado que o potencial pneumático, ψ_pn, xeralmente é desprezable en solos non saturados, neste caso, o potencial matricial, ψ_m, é igual ao potencial de presión. O potencial matricial é menor de cero, ψ_m < 0, en solos non saturados e é ψ_m = 0 en solos saturados. Exprésase como: enerxía/volume, N m^-2 = Pa (Pascal), utilizándose polo xeral un múltiplo (kPa = 1000 Pa).