Partículas arxilosas cementadas, principalmente por óxidos de ferro, en grans de tamaño limo (2-50 μm), moi dificilmente dispersables polos pretratamentos con axentes químicos normalmente utilizados nas análises granulométricas. Son frecuentes en solos tropicais. Desde o punto de vista do comportamento físico do solo, estas partículas teñen un comportamento análogo ao limo, polo que en análises granulométricas non se adoita proceder á súa disgregación. En estudos mineralóxicos, se interesa obter as partículas de minerais de arxila que as compoñen, débese recorrer ao uso de ultrasóns para lograr a dispersión.