Rama da ciencia do solo xurdida arredor de 1850 coas investigacións dos químicos John Thomas Way no Reino Unido e Justus von Liebig en Alemaña. Ocúpase do estudo dos compoñentes do solo, das propiedades fisicoquímicas e químicas, das reaccións químicas que teñen lugar no solo, referentes, entre outros aspectos, á meteorización, a edafoxénese, a nutrición das plantas, a contaminación e ao comportamento do solo.