Proceso fisicoquímico que acontece na interface entre partículas do solo e a fase líquida do mesmo. Pódense distinguir diferentes tipos de reaccións segundo as forzas de unión implicadas, que dependen da natureza da partícula e do soluto. Hai reaccións debidas a forzas de London e de Van der Waals, a forzas electrostáticas e a forzas de adsorción química. As partículas nas que teñen maior importancia esta clase de reaccións son as partículas coloidais, debido á súa elevada superficie específica e a que posúen carga eléctrica en grupos funcionais localizados na súa superficie, que son os que interveñen neste tipo de procesos.