Propiedade física da superficie do solo (ou outro elemento) de reflectir a luz. Exprésase por medio do índice de reflectancia solar, relación entre a cantidade de enerxía radiante reflectida pola superficie, respecto á incidente. Os solos de cores claras teñen reflectancias de entre 50 e 70 %, mentres que nos escuros son de entre 10 e 30 %. O uso desta propiedade resulta de interese en agricultura para adiantar as colleitas, para o que se utilizan revestimentos con film de plástico de cores escuras en zonas con primaveras frías, xa que absorben máis enerxía. Esta propiedade utilízase en sensores remotos e proporciona información acerca de atributos da parte superior do solo: contido de materia orgánica, óxidos de ferro, humidade, entre outros. Na descrición de solos no campo, a reflectancia corresponde ao brillo ou albedo, que se codifica utilizando o sistema de cores de Munsell.