Método indirecto de medida do contido de auga do solo e da concentración de sales. Baséase na medida do tempo que tarda un impulso electromagnético en percorrer unha variña metálica inserida no solo e regresar á orixe, tras ser reflectida na extremidade da mesma. A velocidade do impulso depende da permisividade (constante de permisividade relativa ε₀) e das características do material ou do medio illante. O valor da permisividade depende da fase do solo: auga (80,36), aire (1) e sólidos (entre 3 e 5). O gran contraste entre as fases permite establecer unha boa relación entre a constante dieléctrica do solo e o contido de humidade. Este método é rápido e non implica riscos tal e como pasa coa sonda de neutróns; con todo, en solos moi arxilosos os resultados non son moi precisos, e se ben hai ecuacións empíricas de calibración do método, é recomendable calibralo para cada situación.