Potencial de redución dunha reacción redox no solo, que se expresa como rH = −log (P_H2). Indica a intensidade de redución ou o poder redutor do hidróxeno, onde P_H2 é a presión parcial do H2 gasoso (en atm) en equilibrio coa disolución do sistema redox. O valor do rH faise máis negativo a medida que a concentración das especies químicas redutoras aumenta. Se P_H2 = 1 atm, entón rH = 0. Se ben pode substituír ás medidas de E_h, estas resultan máis doadas de realizar que as de presión parcial do H₂ gasoso, cuxos valores moi baixos son difíciles de medir con precisión. Tamén pode expresarse coas igualdades rH = 2(pe + pH) ou rH = [(E_h/29) + 2 pH], (onde E_h é expresado en mV), que permiten predicir a intensidade de redución nos solos. Valores de rH < 20 indican condicións redutoras segundo os criterios da Base de Referencia Mundial dos Recursos do Solo (WRB, 2008).