Secuencia que amosa a preferencia coa que os catións da fase líquida do solo desprazan catións unidos á superficie dun intercambiador (p. ex., partículas de minerais da arxila). A clase de unión (complexo de superficie) que se forma entre un grupo funcional de superficie e un catión determina a facilidade con que pode ser desprazado por outro, no que inflúe a carga do catión, o grao de hidratación, o radio do ión hidratado, a concentración da fase líquida e a natureza do cambiador. O poder de desprazamento relativo para os catións monovalentes é: Li⁺  Na⁺ < K⁺ < Rb⁺ < Cs⁺; e para os divalentes: Mg²⁺ < Ca²⁺ < Sr²⁺ < Ba²⁺.