Proceso fisicoquímico polo cal se altera a composición do complexo de intercambio de catións debido a un aumento da porcentaxe de Na⁺ intercambiable que despraza catións bivalentes, principalmente Ca²⁺ e Mg²⁺. Pode tratarse dun proceso edafoxénico natural ou ben ser un proceso de degradación do solo provocado polas malas prácticas de rega (p.e. a utilización de augas de rega de mala calidade). O grao de sodificación mídese pola porcentaxe de sodio intercambiable (PSI). Estableceuse un valor límite do 15 % por enriba do cal os solos se consideran sódicos. Este proceso non vai necesariamente acompañado de valores altos de pH, que só se alcanzan se ademais dun valor alto de PSI hai carbonato de sodio (Na₂CO₃). Os solos cun PSI igual ou superior ao 15 % poden ter un endopedión nátrico e, neste caso, clasifícanse como Solonetz^WRB.